Добро познатиот ММА борец Конор МекГрегор ги прашал неговите следбеници на социјалните мрежи што мислат за тоа тој да купи фудбалски клуб и тоа не било кој, туку Манчестер Јунајтед, користејќи го хаосот што владееше во претходните три дена поради Европската Суперлига.
Јунајтед во вторникот вечерта остана без потпретседателот Ед Вудворд, но и без натпревари во Суперлигата.
„Еј луѓе, размислувам да го купам Манчестер Јунајтед! Што мислите за тоа? “, прашал МекГрегор.
Тој е богат, но не е толку многу. Се бори во УФЦ од 2013 година и се стекна со светска слава во октагонот и пошироко, со бројни профитабилни спонзорства.
Според Форбс, неговиот бренд виски вреди 48 милиони долари, борбите во октагон му донеле 122 милиони долари, а тој имаше и скапа борба со Флојд Мејведер во рингот во 2017 година.
Hey guys, I’m thinking about buying Manchester United!
What do you think?— Conor McGregor (@TheNotoriousMMA) April 20, 2021
Ако сега би се збогувал со спортовите УФЦ и ММА, МекГрегор би имал на располагање околу 252 милиони долари, па можеби не би можел да купи гигант од профилот на Јунајтед, но сигурно може да даде интересна понуда.