Францускиот претседател Емануел Макрон беше мета на демонстранти ширум исламскиот свет по изјавите во врска со објавувањето на карикатури на пророкот Мухамед.
Десетици илјади демонстранти во Бангладеш го нарекоа Макрон „сатанист“ и ги палеа неговите фотографии, откако вчера беа одржани слични протести во Пакистан, Ирак, Турција и Појасот Газа, пренесува Дејли Мејл.
— Mahir karatay (@mahirkaratay2) October 27, 2020
Членовите на исламистичката група „Ислами Андолон Бангладеш“ се приклучија на протестот во Дака, повикувајќи ги муслиманите ширум светот да ги бојкотираат француските производи.
Демонстрантите од групата што се залага за воведување на исламистички закон во таа земја, носеа плакати со натпис „Сите муслимани на светот се обединуваат“ и „Бојкотирајте ја Франција“.
Демонстрантите носеа и голема фотографија од Макрон со чевли околу вратот, пренесува АП.
Земјите со муслиманско мнозинство се бесни во врска со изјавите на Макрон минатата недела и неговото одбивање да го осуди објавувањето на карикатури на пророкот Мухамед.
Минатата недела Макрон го осуди убиството на Самуел Пати, наставник кој беше обезглавен во околината на Париз на 16 октомври, изјавувајќи дека тој бил убиен затоа што „предавал за слобода на изразување, слобода да се верува или да не се верува“.
Peygamberimiz Hz.Muhammed S.A.V’e hakaret karikatürlerini kamu binalarına asan #Fransa’yı, haddi aşan #Macron’u, Memur-Sen olarak protesto ediyoruz.
Genel Başkanımız @_aliyalcin_ açıklama yapıyor.
📌Ulus Meydanı pic.twitter.com/eSoIy3sooB
— EBS PATNOS (@EbsPatnos) October 27, 2020