Данела Арсовска го поништи огласот со кој требаше да се вработат нови 20 пожарникари во Бригадата за противпожарна заштита на Град Скопје.Овој однос на деструктивната Арсовска е против интересите на граѓаните на Град Скопје и на штета на Бригадата за противпожарна заштита, вели Љубица Јанчева, координаторка на советничката група на СДСМ во Советот на Град Скопје.
Таа надополнува дека очигледен е недостигот од пожарникари во Град Скопје, дополнително, работните позиции се празнат и со редовното пензионирање.
-Но очигледно тоа не и е важно на Арсовска, која заради лични каприци поништува јавен оглас кој беше на крајот од процедурите и со кој требаше да се вработат 20 нови пожарникари.Во изминатите четири години Град Скопје, раководен од Петре Шилегов и СДСМ, сериозно инвестираше во унапредување на условите за работа на пожарникарите.
Платата на пожарникарите се покачи за 20 отсто, а се инвестираше во нова современа опрема за поголема заштита и поефикасна работа на пожарникарите, вели советничката.
Јанчева посочува дека со ваквиот однос деструктивната Арсовска дејствува опасно кон Бригадата за противпожарна заштита и ја загрозува општата безбедност во Градот.