Камчева: Се надевам дека помогнав со моето сведочење

Ана Камчева без никаков коментар си замина од Кривичниот суд, откако сведочеше во случајот „Рекет“.

Таа само кратко рече дека се што имала, кажала на рочиштето и замина.

„Се што имав кажав, се надевам дека помогнав со моето сведочење“, рече Камчева.

Таа се јавува како втор сведок во случајот во кој обвинети се Бојан Јовановски – Боки 13 и поранешната Специјална јавна обвинителка, Катица Јанева.

Сведок на минатото рочиште беше бизнисменот Орце Камчев, а треба да сведочи и сметководителката која ги подигнала парите кои како што стои во обвинението, се дадени на обвинетите.

А.Т.