По вревата околу видеото на принцезата и принцот од Велс и многуте шпекулации околу нејзиното здравје, палатата Кенсингтон потврди дека Кејт Мидлтон работи на проект додека се опоравува дома. Оваа вест би можела да се протолкува како показател дека принцезата се подготвува да се врати на обврските, како што е планирано.
Тоа е проектот „Shaping Us“ што принцезата Кејт го започна во рамките на Кралскиот центар за рано детство во јануари минатата година, со цел да се истакне важноста на раниот детски развој.
Центарот финансираше истражување за начините за следење на емоционалниот и социјалниот развој на децата.
Принцезата сугерираше дека средствата би можеле да се користат во Британија откако видела сличен систем за време на посетата на Данска, што значи дека таа е силно вклучена во испитувањето и неговите резултати, кои треба да бидат објавени денеска.
Вестите дека редовно се информира за ова може да укажат на тоа дека се подготвува да се врати на должност според планираното. Палатата во јануари соопшти дека принцезата од Велс би можела да се врати на јавните ангажмани до Велигден. Има индиции дека тоа би можело да се случи по празниците.
„Принцезата беше информирана во текот на целиот процес“, изјави портпаролот на палатата Кенсингтон, пренесува „Дејли Меил“.