Кина воведе забрана за издавање визи и други санкции за некои политички фигури од Тајван, еден ден откако земјата најави нови воени вежби околу Тајван.
Последните санкции на Кина се насочени кон де факто амбасадорот на Тајван во САД, Би Ким Хсијао, и членовите на тајванскиот парламент Ке Чиен Минг, Ку Ли Хсиунг, Чен Џиау Хуа и Ванг Тинг Ју, како и активистот Лин Феи Фан.
Ним им е забрането да патуваат во Кина и да имаат какви било финансиски или лични врски со луѓе и организации во Кина.
Санкциите беа објавени откако делегација на американскиот конгрес се сретна со тајванскиот претседател Цаи Инг-вен.
Претходно овој месец, претседателката на Претставничкиот дом на САД, Ненси Пелоси, го посети Тајван, а како одговор Кина започна воени вежби околу островот.
Пекинг го смета Тајван за отпадничка провинција и се спротивставува на секој дипломатски контакт на тајванските власти со други земји.