Бизнисмени, амбасадори, личности од јавниот живот, новинари, беа дел од традиционалниот „Фестивал на младо вино“ на Тиквеш, кој секоја година се одржува во винарската визба „Тиквеш“ во Кавадарци, во рамки на манифестацијата Фестивал на младо вино.
Фестивалот на младо вино, којшто годинава по девети пат го организира „Тиквеш“, е прв и единствен од ваков вид во земјава. Тој придонесува за креирање на домашната традиција за проценка на квалитетот на виното од тековната берба, за развојот на винската култура и за унапредување на репутацијата и стандардите во домашната винска индустрија и на македонското врвно вино како автентичен бренд.
На годинешниот настан посветен на младото вино, претседателот на Управниот одбор на „Тиквеш“, Светозар Јаневски, соопшти дека „Тиквеш“ ја финализираше процедурата за аквизиција на француската винарница Chateau de Gourdon во областа Cote Du Rhone.
„Ваквиот исклучително значаен чекор е дел од развојната стратегија на најголемата македонска винарница за зацврстување на нејзината меѓународната позиција како производител на врвни вина“, рече Јаневски.
На настанот присуствуваа бројни љубители на вината на „Тиквеш“, вински познавачи, познати личности од бизнис светот и од уметноста. Меѓу гостите ги забележавме министерот за земјоделие Љупчо Николовски, Љубомир Фрчковски, Владо Бучковски со сопругата Катерина, новинарот Бранко Геровски, водителот Викса, Златко Мучунски со сопругата Искра, водителката Елена Стефановска, поранешните манекенки Радица Лелова, Маја Глигорова, бизнисменот Јован Пановски, директорот на Бимилк Ѓорѓи Петрушев, градоначалникот на Кавадарци – Митко Јанчев, Велибор Џаровски-Џаро,менаџерот на Здравко Чолиќ-Рака…. Каролина Гочева и момците од Нокаут ги забавуваа гостите кои и овој пат во голем број присуствуваа на овој фестивал на виното.
https://www.instagram.com/p/BqSPPiun_IZ/?utm_source=ig_embed
https://www.instagram.com/p/BqSSw8xHPyy/?utm_source=ig_embed