Научниците открија дека Ковид-19 од луѓе преминал на диви елени во некои делови на САД. Имено, тие откриле антитела во 40 проценти кај дивите елени (odocoileus virginianus) на североистокот од земјата, пишува „Science Aler“.
Само во Мичиген, 67 проценти од дивите елени имале имунолошки маркери на коронавирус во крвта. Ова е прв доказ за распространета изложеност на Ковид-19 во дивината.
Иако ниту еден елен немал лоша здравствена состојба, присуството на специфични антитела во нивната крв покажува дека тие неодамна се опоравиле од вирусот. Научниците се загрижени дека популацијата на диви елени може да биде добра основа за развој и мутација на Ковид-19, која подоцна може да се врати кај луѓето, но со посериозни последици за нашето тело отколку порано.
Од почетокот на глобалната пандемија, експертите се загрижени за ширењето на коронавирусот од луѓе на други животински видови. На пример, минатата година имаше појава на епидемија на ковид кај домашните животни, за што беа потребни посебни чекори. Но, за разлика од животните одгледувани од луѓе, инфекциите кај дивите животни не можат така лесно да се контролираат.
Оваа ситуација ги загрижува научниците. Ако вирусот навистина може да најде засолниште во дивината, може да биде многу тешко да се искорени. Ако тој се прилагоди на друг вид, а потоа повторно се шири кај луѓето, нашите вакцини би можеле да бидат далеку помалку ефикасни во иднина.
Во 2020 година, експертите најдоа специфични протеини за Ковид-19 кај само три елени. Но, во првите три месеци од оваа година, скоро половина од 385 примероци крв земени од елените во Мичиген, Пенсилванија, Илиноис и Њујорк имаа исти неутрализирачки антитела.
Се уште не е познато каде и како елените стапиле во контакт со вирусот. Тие можат да бидат заразени директно од луѓе или за време на контакт со добиток или друг див свет.
Студијата под назив „Изложеност на САРС-КОВ-2 кај дивите елени со бела опашка (Odocoileus virginianus)“ била извршена на серверот „bioRkiv“.