Четири бремени жени починаа во Косово во последните неколку дена од последиците од Ковид-19, додека уште две се лекуваат на одделот за интензивна нега.
Лекарот задолжен за одделот за интензивна нега, Ментор Алимусај, за „Коха“ изјави дека во последните два случаи биле извршени предвремени породувања. Две мајки починаа во последните два дена. Едното бебе преживеа, додека другото не.
Пред овие два случаи, уште два смртни случаи на бремени жени беа регистрирани во земјата, со што бројот на бремени жени кои починаа од делта-варијантата на коронавирусот се искачи на четири.
Во моментов, две бремени жени се лекуваат на интензивна нега.
Во овој бран на пандемии, смртните случаи значително се зголемуваат кај помладите возрасни групи. Само во првите три дена од септември, од 80 регистрирани смртни случаи, девет биле на возраст под 40 години.