Луѓето кои имаат јасна хоризонтална линија на ноктите, што наликува на вдлабнатина, веројатно биле заразени со ковид 19, вели професорот Тим Спектор, британски експерт кој прв открил дека ковид-19 го придружува губењето на сетилото за мирис и вкус.
Тој ја сподели фотографијата на Твитер, коментирајќи: „Дали ноктите изгледаат чудно? Ковид ноктите се повеќе се препознаваат како последица на инфекцијата.
Тие можат да се појават без осип на кожата и да изгледаат навидум безопасни, процени професорот Спектор.
Ноктите се обновуваат во просек за шест месеци, така што не секој што има симптоматска, а особено асимптоматска форма на ковид-19, ќе забележи промена на нив некое време. Сепак, професорот Спектор смета дека вдлабнатините на ноктите треба да се следат како еден од индикаторите за претходна инфекција со вирусот САРС-КоВ-2. Она што е познато засега е дека промените во ноктите не се јавуваат кај сите луѓе кои имале ковид 19. Имено, вдлабнатините на ноктите е присутни и кај луѓе кои страдале од друга вирусна инфекција проследена со треска. Тие се исто така чест придружник на одредени кожни болести, како што се егзема или псоријаза.
Do your nails look odd? COVID nails are increasingly being recognised as the nails recover after infection and the growth recovers leaving a clear line. Can occur without skin rashes and appears harmless pic.twitter.com/Q1Lfdrc9Dc
— Tim Spector (@timspector) May 3, 2021