Лав нападна вработена во зоолошка во Германија

Лав нападна вработена во зоолошка градина во северозападна Германија, додека таа го чистела кафезот, соопшти полицијата.

Полицијата за агенцијата ДПА изјави дека дваесет и петгодишната работничка во зоолошката градина во градот Оснабрик е полесно повредена, но дека е хоспитализирана како мерка на претпазливост.

Инцидентот се случил нешто пред 12:00 часот, а деталите засега не се познати, пренесе АП.

Менаџментот на зоолошката градина не бил достапен да коментира за инцидентот.