Кошаркарите и тренерот на Лос Анџелес Лејкерс повторно се присетија на Коби Брајант по победата над Денвер Нагетс во финалето на Западот.
Лејкерси славеа 105: 103 со тројка на Ентони Дејвис со звук на сирена за 2-0 во серијата.
Тренерот на Лејкерс, Френк Вогел, веднаш истакнал дека овој кош претставува олицетворение на она што го направил Коби.
„Ние сакаме да го спроведеме она за што се залагаше Коби и да го почитуваме споменот за него. Кога играме во тие дресови (црни во чест на Брајант) мислам дека чувствуваме повеќе од другите. Ова е кош што Коби ќе го погодеше. За мене, Дејвис , кој се отвори така, ја фати топката и шутна за победа во најважниот момент од сезоната за нас, без да ја допре мрежата, е кош на Мамба“, рекол Вогел.
Самиот Дејвис го изговорил името на Коби после победата.
„Точно. Ние ги носиме овие дресови во чест на него. Тој погоди безброј вакви шутеви, без разлика дали се тоа плејоф или финале. Ова е посебно за мене. За моите соиграчи. Истото ми се слули против Бруклин Нетс без паузата, кога бев во иста позиција, малку поинаква акција, но го промашив ударот. Се изнервирав и Леброн ми рече: Ќе живееме или ќе умреме со тебе додека шутираш така. Ја добив истата можност вечерва и погодив. Посебен момент за мене и особено во ситуација кога се обидуваме да поведеме со 2: 0 против силен тим кој има одлични играчи кои се борат сите 48 минути. Да се направи такво нешто, во дресовите што ги носиме сега, го прави тоа уште попосебно“, рече Дејвис.
Неговиот соиграч Џејмс го опишал моментот кога популарниот Еј-Ди постигна кош.
„Дали ја видовте мојата реакција кога погоди? Се обидов да го бркам како и сите други соиграчи и членови на тимот што беа таму. Посебен момент за играчот. Среќен сум што бев дел од ова“, рекол Леброн.