ИНТЕР викендов ја обезбеди титулата во италијанската Серија „А“. На четири кола пред крајот на шампионатот, тие имаат недостижна предност од 13 бода пред Аталанта, Јувентус и Милан.
Денес на социјалните мрежи се огласи најдобриот стрелец на Интер, Ромелу Лукаку и објави порака која очигледно беше испратена на Златан Ибрахимовиќ.
„Вистинскиот бог го круниса кралот. Сега поклони се“, напиша тој додавајќи си ја титулата крал на Милано.
The real god ✝️
has crowned the king!
Now bow downIl nostro dio ✝️ ha incoronato i Re!
Ora inchinatevi!King of Milano 😉👑 pic.twitter.com/n0gAiYWFTp
— R.Lukaku Bolingoli9 (@RomeluLukaku9) May 3, 2021
Така, тој јасно алудираше на конфликтот со Ибрахимовиќ, кој започна во февруари минатата година. По победата на Интер над Милан со 4:2, Лукаку објави слика на Инстаграм со опис: „Новиот крал е во градот“. Половина година подоцна, Милан го победи Интер, па Ибрахимовиќ на Твитер напиша: „Милан никогаш немал крал, тие имаат бог“.
Нивниот судир ескалираше во јануари годинава кога се судрија вербално и скоро физички на уште едно дерби во Милано. Сепак, Лукаку последен се смее.