Партијата Македонски Концепт најостро ги осудува низата, како што велат, обиди на министерот за надворешни работи, Бујар Османи, со кои дирекно и свесно ја внесува Македонија во српско – косовскиот судир, што е дел од руското сценарио за дестабилизација на Балкан и јужното крило на НАТО.
Од партијата порачуваат дека Османи повеќе се однесува како министер на Косово или на Русија од колку министер на Македонија, земја членка на НАТО.
-Со последната изјава дека Србија треба нешто да докажува на Косово, во спротивно Македонија треба да преземе непријателски дејства кон своите соседи, тој дирекно придонесува кон дестабилизација на нашиот регион, особено го помага Косово во очајните обиди за извоз на тероризам и етнички шовинизам кон сите соседи. Ова особено од аспект што истиот човек претседава со ОБСЕ, но не во име на ДУИ или на Косово или учк, туку во име на Македонија и сите нас македонските граѓани, што дава дополнителна тежина на неговата злоупотреба на службена положба и овластувања, што е кривично дело и за истото треба да одговара пред правосудниот систем на Македонија, не на Косово, велат од Македонски концепт.
Оттаму додаваат дека за нив проектот Отворен Балкан беше промашена инвестиција уште на почетокот на истиот и навреме реагиравме во таа насока.
-Но вмешување на Македонија во странски судири, особено помеѓу нашите соседи, е дирекно работење против мирот и стабилноста и против македонските национални интереси, стои во партиското соопштение.