Заменик претседателот на Владата задолжен за европски прашања, Бојан Маричиќ, ги пречека претседателката на Европската комисија, Урсула фон дер Лајен и еврокомесарката за внатрешни работи, Илва Јохансон, кои штотуку слетаа на Меѓународниот аеродром Скопје.
Вицепремиерот Маричиќ им посака добредојде на Фон дер Лајен и Јохансон, посакувајќи им успешни и конструктивни средби што ќе ги остварат со највисоките државни претставници, на кои ќе се разгвоара за заедничката соработка и делување во решавањето на енергетската и економска криза.
„Убави вести и убав повод имаат претседателката на Европската комисија, Фон дер Лајен, и еврокомесарката за внатрешни работи, Илва Јохансон, за денешната посета на нашата земја. Добредојдовте“, напиша вицепремиерот Маричиќ на својот Фејсбук профил.