Меган Маркл објавува книга за деца, откри од каде потекнала нејзината инспирација

од Stefanija Kuzmanovska

Меган Маркл, војвотката од Сасекс, во јуни ќе ja објави книгата за деца „The Bench“ за односот меѓу татко и син, објави во вторникот издавачот Random House.

Книгата е најновиот потфат на Меган Маркл и нејзиниот сопруг принцот Хари, внук на кралицата Елизабета, откако минатата година се повлекоа од кралските должности и заедно со нивниот син Арчи се преселија во Лос Анџелес, пренесува Хина.

Детската книга, инспирирана од Хари и Арчи, илустрирана од уметникот Кристијан Робинсон, ќе излезе на 8 јуни, а Меган ќе го даде својот глас за верзијата на аудиокнигата, рече издавачот.

– „The Bench“ настана како песна што ја напишав за мојот сопруг на Денот на таткото, еден месец по раѓањето на Арчи. Таа песна стана оваа приказна“, рече војвотката.

-Се надевам дека „The Bench“ ќе одекне во секое семејство, без оглед на составот, како што е и во моето.“

loading...

Слични содржини