Израелската армија соопшти дека најмалку 21 нејзин војник загинал во Појасот Газа, кога две згради се урнале по голема експлозија и тенк бил погоден од проектил.
Како што пишува „Тајмс оф Израел“, израелската армија сè уште ја истражува причината за експлозијата, но се верува дека е предизвикана од проектил истрелан кон зграда во која биле складирани мини.
Нетанјаху: Израел нема да се обврзе да стави крај на војната по ослободувањето на заложниците
Израелскиот премиер Бенјамин Нетанјаху изјави дека Израел не може да се обврзе да стави крај на војната доколку планира да продолжи да се бори по ослободувањето на заложниците.
За време на состанокот со семејствата на заложниците, Нетанјаху бил запрашан зошто Израел не може едноставно да се согласи да ја прекине војната за да обезбеди ослободување на преостанатите заложници, а потоа повторно да ги започне борбите откако киднапираните ќе бидат вратени.
Премиерот одговорил со објаснување дека таков договор ќе бара од Израел да пружи гаранции на американските, египетските и катарските посредници дека тој не може да биде прекршен веднаш по ослободувањето на заложниците, објави Канал 12.
Нетанјаху пред претставниците на семејствата на заложниците за време на средбата навел дека информациите за предлогот на Хамас за ослободување на нивните најблиски се лажни и дека милитантната група не дала таква понуда.