Германија бележи најголем број на новозаразени со коронавирус на дневна основа по повеќе од три месеци.
Бројот на потврдени случаи на коронавирус во таа земја е зголемен за 1.226 – на 218.519, според денешните податоци на Институтот „Роберт Кох“. Ова е најголем пораст на бројот на нови случаи од 9 мај, според Ројтерс.
Шест лица починаа од КОВИД-19 во Германија, а вкупниот број на смртни случаи од почетокот на пандемијата е 9.207.
„Ова е, без сомнение, многу загрижувачко“, рече министерот за здравство Јенс Шпан и посочи дека граѓаните мора да бидат внимателни за да се потисне ширењето на вирусот.
Спан истакна дека туристите се враќаат во Германија и предупреди дека сите видови на забави и семејни собири се ризик.
Во мај, Германија започна постепено олеснување на рестриктивните мерки, со цел рестарт на економијата.