Фудбалерот на Манчестер Јунајтед, Маркус Рашфорд би можел да ја продолжи кариерата во Пари Сен Жермен, објави француски „Лекип“.
Рашфорд во последно време имаше многу проблеми со повредите, а минатата сезона беше во исклучително лоша форма.
Без разлика, 24-годишниот Англичанец важи за многу квалитетен и талентиран напаѓач, а ПСЖ има намера дополнително да ја засили офанзивната линија, иако веќе ги има Килијан Мбапе, Лионел Меси и Нејмар.
Веќе се водат преговори меѓу напаѓачот и челниците на Париз, а важен фактор може да биде добриот приватен однос меѓу Рашфорд и Мбапе.
Рашфорд има договор со Јунајтед уште една година, плус уште една ако клубот се одлучи да го продолжи. Неговата цена на пазарот според „Трансфермаркт“ е 60 милиони евра, а се уште не е познато колку парижаните се подготвени да понудат.
PSG are interested in signing Marcus Rashford and have already started discussions with his camp, reports @lequipe pic.twitter.com/4M26fnYYcP
— B/R Football (@brfootball) August 11, 2022
Англискиот напаѓач досега забележа 304 настапи за „црвените ѓаволи“, а успеа да постигне 93 гола со 57 асистенции.
Јунајтед неодамна на тренерската позиција го доведе Ерик Тен Хаг, но во првото коло од Премиер лигата претрпе пораз од Брајтон со 2:1. Рашфорд беше вклучен во стартните 11, но прашање е колку на него сметаат во Манчестер за наредните години, со оглед на тоа што клубот со години не може да го врати стариот сјај.
🚨 Marcus Rashford has a good relationship with Kylian Mbappé, which is one of the advantages of pursuing the Manchester United player over other targets.
(Source: RMC Sport) pic.twitter.com/4faBW9vxva
— Transfer News Live (@DeadlineDayLive) August 11, 2022