Обединетите нации соопштија дека нивната делегација која отиде во Карабах не пронашла докази за насилство врз ерменските цивили и дека цивилната инфраструктура во регионот не била цел, пренесува Ројтерс.
Портпаролот на ОН, Стефан Дужарик изјави дека делегацијата на ОН го посетила Карабах за време на викендот на покана на Владата на Азербејџан.
Наведувајќи дека делегацијата се обидува да ги идентификува хуманитарните потреби во регионот, Дужарик рече дека во делегацијата има претставници на Светската здравствена организација (СЗО), Детскиот фонд на ОН (УНИЦЕФ), Високиот комесаријат на ОН за бегалци (УНХЦР) и Канцеларијата за координација на хуманитарни прашања (OCHA) на ОН.
Тој додаде дека делегацијата извршила увид на граничниот пункт во Лачин и градот Ханкенди.
„Делегацијата објави дека не нашла докази за насилство врз ерменските цивили и дека цивилната инфраструктура во регионот не била цел“, рече Дужарик.
Наведувајќи дека азербејџанските сили не гаѓале болници, училишта, куќи, верски или културни центри и дека Владата на Азербејџан започнала напори повторно да обезбедува непречени здравствени услуги, Дужарик рече дека е забележано оти земјоделските површини и добитокот не се оштетени, пренесе Анадолија.
Дужарик изјави дека делегацијата се сретнала и со претставници на ерменската заедница во Карабах.
Истакнувајќи ја важноста од враќањето на довербата во регионот, Дужарик рече дека сите страни треба да вложат напори за тоа.