Османи-Ал Нахјан: Очекуваме поинтензивна и динамична соработка меѓу земјите

од Берта Китинска

Министерот за надворешни работи, Бујар Османи, денес оствари телефонски разговор со министерот за надворешни работи и меѓународна соработка на Обединетите Арапски Емирати, Неговото Височество Шеик Абулах бин Зајед Ал Нахјан.

Во оваа прилика Министерот Ал Нахјан упати честитки за реизборот на Министерот Османи на функцијата, изразувајќи очекување за поинтензивна и динамична соработка меѓу земјите.

Посебен акцент беше ставен на учеството на Република Северна Македонија на ЕКСПО Дубаи 2020 и впечатоците на Министерот Ал Нахјан при неговата посета на нашиот павилјон во текот на вчерашниот ден.

Воедно, по извршените терористички напади од страна на Хутите врз цивилни цели во Абу Даби, министерот Османи изрази солидарност и упати поддршка во справувањето со безбедносните предизвици и зачувувањето на сигурноста.

Во разговорот беше констатиран досегашниот развој на пријателските односи меѓу двете земји, а беа поздравени и економските односи и соработката на мултилатерален план.

Слични содржини