Папата Франциск: Да го прославиме Божиќ поскромно, тоа што ќе го заштедиме да го испратиме во Украина

Папата Франциск ги повика христијанските верници ширум светот на поскромна прослава на Божиќ оваа година со цел да им се помогне на Украинците со „конкретни гестови на милосрдие“.

„Убаво е да се слави Божиќ, но ве повикувам малку да го намалите нивото на трошење на Божиќ. Да го прославиме Божиќ поскромно и да го испратиме тоа што ќе го заштедиме на граѓаните на Украина на кои им е потребно“, рече папата, пренесува АП.

Од почетокот на војната во Украина, папата Франциск во неколку наврати повика на испраќање помош за Украина.