Распродажбата на биткоини, која започна во средината на минатата недела, продолжи за време на викендот. За време на викендот најпознатата дигитална паричка вредеше далеку под 40 000 американски долари, што е драстичен пад во споредба со неодамнешниот резултат – кога достигна висина од над 60 000 долари.
Падот е, меѓу другото, и последица на новата одлука на кинеските и американските власти да ги заострат регулативите и да го усогласат данокот за криптовалутите. Биткоинот падна за 16 проценти во неделата на 31.772,43 долари, но во меѓувреме малку се опорави и сега вреди 36.300 долари.
Во петокот попладне, потсетува „CNBC“, со дигиталната паричка се тргуваше по цена од 35.981,20 долари. Иако оваа криптовалута оствари неверојатен напредок во текот на 2020 година и почетокот на 2021 година, ваквите варијации се доказ зошто се смета за „ризичен имот“.
Продажбата на биткоин претставува голем пресврт од претходниот тренд, кога оваа дигитална валута зајакна силно како резултат на поддршката меѓу големите банки на Вол Стрит и компании со кои јавно се тргува. Во мај се случи ненадејна промена, пред се по низата негативни наслови поврзани со изјавите на влијателни инвеститори и бизнисмени.
Меѓу нив е и Илон Маск, шефот на компанијата „Тесла“, чии твитови влијаеја на падот на вредноста на смешниот доџин. Етер забележа уште поостар пад во неделата и во еден момент потона за дури 18%, на 1.922 американски долари, што е за 60 проценти под неговата рекордна вредност – забележано на почетокот на мај. Тогаш се тргуваше по 4.382,73 долари.
Етереумот сега вреди околу 2.200 долари, а со „меме“ валутата, „доџкоин“ се тргува по цена од 30 центи, што е исто така 60 проценти под рекордното ниво од почетокот на мај, кога вредеше 74,07 центи.