362
Рускиот истражен комитет покрена кривична постапка против лидерот на опозицијата Алексеј Навални за создавање на невладина организација што ги крши човековите права, изјави за ТАСС безбедносен извор.
– Против Навални е покрената нова кривична постапка според член 239 од Рускиот кривичен законик (создавање на непрофитна организација со која се кршат идентитетот и човековите права) – се наведува во обвинението.
Неименуван извор додава дека за ова дело се обвинети уште две лица, Леонид Волков и Иван Жданов.
Навални, главниот критичар на Кремљ, издржува затворска казна во траење од две и пол години за кршење на условната слобода.