Пејачот Енрике Иглесијас го очекува третото дете со долгогодишната партнерка и поранешна тенисерка Ана Курникова, пишуваат странските медиуми.
Парот засега не ја потврди сречна вест, но фотографиите објавени во шпанскиот магазин Hola! го прикажуваат парот на брод во Мајами, каде може да се забележи дека Ана е во поодмината бременост. Чувањето на бременоста во тајност и далеку од очите на јавноста за овој пар не е никаква новост, со оглед на тоа дека вестите дека чекаат близнаци, сега двегодишните Луси и Николас, ги криеја се до моментот кога се родија во 2017 година.
Се шушкаше за тоа како близнаците биле родени од сурогат мајка, но Ана тоа го демантираше со фотографија на која позира со труднички стомак.
Зборувајќи за својата нова улога на татко, Енрике своевремено открил дека се надева дека е добар татко и рекол дека сега е многу поодговорен него што бил некогаш.
– Тоа е едно од најубавите чувства на светот. Одговорен сум, возам поспоро. Размилсувам за глупите работи, пред да ги направам – рекол пејачот.
Енрике ретко зборува за љубовта со Ана. Врската ја започнале во 2001 година, откако се запознале за време на снимањето на неговиот хит „Escape“.
– Секоја врска минува низ добри и лоши периоди. Тешко ми е да поверувам дека постои совршена врска, мислам дека такво нешто не псотои. Ана е одлична девојка. Ме разбира, знае кој сум и е подготвена да се жртвува за мене, поради тоа неизмерно ја почитувам – рекол Иглесијас во една од ретките изјави за својата партнерка и нивната врска.
– Дали сме заедно или не, Ана би била идеална мајка. Сигурен сум во тоа – рекол пејачот во една прилика.
Иглесијас додал дека врската со Курникова му е единствената сериозна во целиот негов живот.