Пожар во куќа на „Индира Ганди“, повредени две лица

Во СВР Скопје вчера било пријавено дека на улицата „Индира Ганди“ настанал пожар во куќа сопственост на Н.В.(36), при што била опожарена една соба и влезот од куќата.

Како што соопштија од МВР, во пожарот со повреди се здобиле Н.В. и К.Џ.(40) и биле пренесени во Градската општа болница „Св.Наум Охридски“, каде им биле констатирани телесни повреди.

Пожарот бил изгаснат од екипа на Бригадата за противпожарна заштита Скопје, а увид извршила екипа од СВР Скопје.