Принцот Филип префрлен во друга болница, има инфекција

Британскиот принц Филип, 99-годишниот сопруг на кралицата Елизабета, е префрлен во друга болница во центарот на Лондон за да му бидат направени тестови за претходни проблеми со срцето и да продолжи со лекување на инфекцијата.

Филип, војводата од Единбург, беше примен во приватната лондонска болница „Кралот Едвард VII“ пред две недели поради неодредена инфекција која не е поврзана со ковид 19.

Денес, Бакингемската палата објави дека тој е пренесен на понатамошно лекување и набљудување во болницата „Свети Бартоломеј“, која е центар на извонредност во областа на кардиологијата.

„Војводата реагира на лекувањето, но се очекува да остане во болница барем до крајот на неделава“, се вели во соопштението на палатата.