Министерот за надворешни работи на Србија, Ивица Дачиќ, по средбата со државниот секретар за европски прашања при Министерството за надворешни работи на Шпанија Хуан Гонзалес Барба Перо рече дека желбата е безусловно да се укинат таксите и да се продолжи дијалогот со Приштина, но дека во самото Косово има различни пристапи.
„Ние сакаме таксите да бидат укинати што е можно поскоро и да се продолжи дијалогот. Во интерес е не само на Белград, туку и на Приштина“, рече Дачиќ.
Тој се заблагодари на Шпанија за поддршката на Србија за Косово и истакна дека доколку каталонските власти стапат во контакт со Србија, веднаш ќе ја известат шпанската амбасада.
Тој оцени дека односите меѓу двете земји се од стратешки карактер и дека е убеден дека поддршката на Шпанија за европската интеграција на Србија ќе продолжи.