Разорниот земјотрес што го погоди Хаити, островска држава, пред неколку часа, остави големи последици. Се стравува дека жртвите не се пронајдени во целост, и дека има многу загинати.
Според првите информации, има најмалку 29 загинати во разорниот земјотрес на Хаити – објавија локалните власти.
По земјотресот со јачина од 7,6 степени, беше издадено предупредување за цунами, што на некои места предизвика паника, што беше забележано и на снимките.
Американскиот геолошки завод издаде предупредување на Твитер: Постојат информации дека морето се повлекува, на некои места морската вода навлезе низ улиците. Важно е да не се оди на плажи ако морето се поместило, бидејќи ќе се врати! Одете што е можно подалеку од плажата“, стои во објавата на Твитер.
Обемот на штетата засега не е познат, а информациите за жртвите се сосема различни и невозможно е да се проверат бидејќи нема официјални информации, а се шпекулира дека наводно 200 луѓе починале откако се кренала паника. Сепак, невозможно е да се провери или потврди оваа вест, па затоа треба да се земе со голема резерва.
Бројот на загинати најверојатно ќе расте бидејќи продолжуваат напорите за потрага и спасување. Геолошкиот завод на Соединетите држави (УСГС) објави црвено предупредување за проценките на жртви, во кое се наведува дека „најверојатно има големи жртви и катастрофата најверојатно е широко распространета“.