Франција се подготвува да стане првата земја во светот што ќе го вклучи правото на абортус во својот устав, објави во неделата Би-Би-Си.
Во понеделник претставниците на Долниот и Горниот дом на Парламентот ќе се сретнат на специјална седница во Версај, со која ќе претседава претседателот Емануел Макрон.
Ако го изгласаат владиниот предлог со 3/5 мнозинство, како што се очекува, тогаш во Уставот од 1958 година ќе се внесе „загарантираната слобода“ на жените да абортираат.
Тоа ќе биде 25-ти амандман на францускиот устав и прв од 2008 година.
Поттикнати од укинувањето на федералната заштита за правата на абортусот во САД пред две години, поддржувачите на правата на абортусот силно ја поддржуваат уставната измена, која тие ја гледаат како гаранција дека слична ситуација нема да се случи во Франција.
Анкетите покажуваат дека околу 85 отсто од француската јавност ја поддржува реформата.
Во Франција, правото на абортус беше воведено со закон во 1975 година.