Путин: Групата Вагнер не постои во правна смисла

Рускиот претседател Владимир Путин изјави дека приватната воена компанија „Вагнер“ не постои во правна смисла, бидејќи во Русија не постои закон за приватни воени организации.

„Вагнер не постои. Не постои закон за приватни воени организации. Едноставно не постои“, изјави Путин за „Комерсант“.

 

„Групата постои, но правно не постои“, прецизира Путин и посочи дека на руската влада и парламентот е да разговараат за правната рамка за приватните воени формации.