Рајан Рејнолдс одлучи да му пружи посебна поддршка на единаесетгодишното момче Броди Дери, голем обожавател на филмот „Дедпул“, кој страда од Кронова болест и рак.
Ѕвездата на филмот „Дедпул“ сними видео порака во која му објасни на момчето кое е негов обожавател како неодамна ја прочитал приказната за неговата борба со тешката болест.
„Сакам да знаеш дека мислам на тебе, ти испраќам многу љубов и сила. Сета сила што ја имам. Голем е бројот на луѓето кои те сакаат многу. Знам дека минуваш низ тежок период, знам дека сето ова е огромен предизвик за тебе, но сакам да знаеш – Броди, ти можеш да го совладаш тоа“, рече Рејнолдс.
Актерот потоа повтори дека испраќа многу љубов кон момчето, како и дека се надева дека ќе се сретнат наскоро.
„Издржи“, рече актерот.
How cool is this? Huge thanks to @VancityReynolds for taking the time to send a message back to Brody Dery from Prince George. Thanks to everyone for helping get the message to Ryan so fast! @ckpgnews pic.twitter.com/dFJJi6huC1
— Caden Fanshaw (@CadenFanshaw) January 13, 2021
Мајката на момчето Ренди Дери ја опиша за „CTV News“ неговата реакција на видеото на актерот, објаснувајќи како единаесетгодишното момче постојано повторувало дека се чувствува посебно и „како филмска sвезда“.
Таа додаде дека малиот Броди храбро се бори против болеста, но дека филмот „Дедпул“, како и неговиот омилен актер Рајан Рејнолдс, ги разубавува сите тие тешки денови.