Рускиот претседател Владимир Путин во петокот се сретна со мајките на дел од загинатите руски војници во Украина и им кажа дека сочувствува со нивната болка. Меѓутоа, на Твитер сега се појавија информации кои укажуваат дека средбата е всушност голема фарса на рускиот претседател.
Имено, за време на средбата, некои од жените раскажале приказни за тоа како починале нивните синови.
-Мојот син е Константин Пшеникин. Тој загина бранејќи го градот во една од утринските битки, рекла една жена, покажувајќи слика од нејзиниот син додека Путин внимателно слушал пиејќи чај.
So putin today met with "mothers" of killed Russian soldiers (most of whom turned out to be phony people), and then this lady drops a coolstory about her son "requesting fire on himself" while "chopping ukrops", while putin is sipping on his tea. pic.twitter.com/KHqeXjvZNG
— Dmitri (@wartranslated) November 25, 2022
Таа додала дека тој бил убиен при излегување од ров и привлекувајќи непријателски оган врз себе.
-Неговите последни зборови беа: „Ајде, браќа, да ги средиме Украинците!“ Постхумно е одликуван со Орден за храброст. Срцето ми се кине, душата ми замрзна, црните мисли ми го заматуваат умот. Но, одеднаш син ми ми рече: „Не биди тажна, мајко. Ќе се видиме повторно само треба да почекаш. Продолжи со својот живот и во друг живот повторно ќе бидеме заедно“, рекла таа, веројатно опишувајќи го сонот во кој ѝ зборувал нејзиниот покоен син.
Оттогаш, вели таа, почнала активно да им помага на семејствата на паднатите руски војници.
Сепак, неколку часа подоцна, на Твитер се појави информација дека Константин Пшеникин навистина бил руски војник и дека навистина загинал во конфликт со Украинците, но во 2019 година, што може да доведе до заклучок дека оваа средба со мајките на загинатите војници била уште еден од перформанс на Путин за јавноста.
He died in 2019https://t.co/AlnuQzWxaS
— Ivan Ivanov (@kevinandsmith) November 25, 2022
Фото: Александр Щербак, ТАСС