Маурицио Сари официјално беше претставен на медиумите како нов ментор на Јувентус.
Интересот на новинарите за него беше огромен, и прес-конференцијата траеше повеќе од еден час.
„Во Наполи дадов се од себе. Потоа решив да преминам преку големо искуство во Премиер Лигата. јуве е најдобриот италијански клуб токму сега и ми даде шанса да се вратам во Италија. Ова е најголемото достигнување на една долгата кариера. Никогаш не сум видел таква посветеност од клуб, за да назначи ментор. Возбудата кон мене беше прекрасна, и тоа ме убеди. Тоа ќе биде возбудлива сезона во Серија „А“, особено за тренерите. Имаме долг пат да поминеме, но се надевам дека првенството ќе почнува да ја стигнува Премиер лигата“, вели Сари.
За очекувањата од првата сезона: „Очекувам секое утро да се разбудам и да научам како да победувам во натпреварите. Победувањето долго време е секогаш тешко, а Јувентус има таква обврска. Треба да имате јасна претстава за два или три играчи кои можат да направат разлика, а потоа да им дадете поле за изразување. Формацијата зависи од тоа. Тоа беше долго патување за мене, составено од постепени чекори. Среќен сум што сум во најважниот тим во Италија, ова е чекор понапред по искуството со Челзи“.
За Кристијано Роналдо: „Во Челзи тренирав многу силни играчи, но да го тренирам Кристијано ќе биде уште еден чекор напред. Тој скрши толку многу рекорди и би сакал да му помогнам да продолжи да ги подобрува своите достигнувања. Кој рекорд конкретно? Оној за најмногу голови во Серија „А“ за една сезона. Јас веќе го направив тоа еднаш (со Гонзало Игуаин во Наполи) и би сакал да го повторам. Три години се будев со мислата да го победам Јувентус, бидејќи тие беа најдобриот тим. Дадов 110% од себе, но никогаш не успеавме да го надминеме. Секогаш давав 110% за моите тимови и го почитував секој од нив. Така ќе биде и овде. Првото нешто што го забележав беше кохезијата и поддршката во тимот. Бев задоволен, бидејќи човечкиот аспект е многу важен за мене. Јуве е силен тим во смисла на психа и одлучност. Ме пресретнуваат со скептицизам како секаде порано. Јас го разбирам тоа, но знам дека постои начин да го променам тоа“.
За составот на Јуве: „Кога имате играчи со квалитети на Паоло Дибала и Роналдо, тие можат да играат на секоја позиција. Тоа што може да се промени е само толкување на улогата. Целта да се забавуваме на теренот не е некомпатибилна со победата. Често генерираниот ентузијазам во натпреварите им дава дополнителна енергија. Наполи имаше многу играчи кои работат за тимот. Челзи имаа технички надарени фудбалери, но со различни карактеристики. Помалку флексибилни, но подеднакво солидни. Методите за тренинг треба да се прилагодат на составот. Филозофијата на играта останува иста, но мора да имате психичка флексибилност да се прилагодите на особеностите на играчите. Веројатно ќе разговарам со двајца или тројца играчи пред почетокот на сезоната за да размениме идеи и да го разберам нивниот начин на размислување и нивните карактеристики. Морате да почнете со талентирани играчи кои можат да ја направат разликата како Кристијано, Дибала и Даглас Коста и да се изградите околу нив. Ќе го слушнам клубот за новите засилувања, бидејќи тие знаат подобро од мене. Би било недостаток на почит да го наметнувам моето мислење за ова“.
За тоа што очекува од дуелот со Наполи: „Ако Сан Паоло ме поздрави со аплауз, тоа ќе биде знак на љубов. Ако ме исвиркаат, тоа повторно ќе биде од љубов. Масимилијано Алегри ми остава тешко наследство. Да го освојам она, што тој го освои, е многу тешко. Тој постигна извонредни резултати и би сакал да ги видам истите способности во тимот за да ги пребродам тешкотиите, за кои тој им помогнал. Во изминатите неколку години секогаш ја започнував сезоната со една формација и завршував со друга“.
За „саризам“: Не знам што е тоа. Отсекогаш сум бил некој кој се менува врз основа на искуството, но останувам верен на концептот. Јас сум директна личност, можеби премногу директна. Ова води до судири, но тие се решаваат. Федерико Бернардески е играч што го сакам. Неговиот одличен квалитет е во координацијата, токму сега му недостига малку упорност. Тој е во фаза на неговата кариера, во која тој мора да има специфична улога. Морам да дознаам до колку да ја наметнувам мојата филозофија и до колку да го оставам останатото на карактеристики на играчите. Ги организирам моите тимови до 70 метри, а потоа ги оставам во преостанатите 30 метри. Секој тим е различен. Се надевам дека ќе победуваме и ќе се забавуваме“.