Белорусија ветува дека ќе покани експерти од Светската здравствена организација (СЗО) да го оценат функционирањето на здравствениот систем на земјата.
Наталија Качанов, претседател на Советот на Република Белорусија, вели дека експертите на СЗО биле повикани на 31 март, за да „се осигураат дека граѓаните не се крие ништо и дека не се обидуваат да лажат за ситуацијата“.
Радио Слобода (белорускиот сервис) истакна седум прашања што според мислењето на нашите читатели, СЗО треба да ги постави на белоруските власти:
1. Светската здравствена организација создала кодови на коронавирус, кои препорачуваат да се користат за да се евидентираат причините за смрт со соодветни докази – U07.1 (за случаи потврдени со лабораториски тестови) и U07.2 (за случаи потврдени само врз основа на клиничка или епидемиолошка дијагноза) .
Дали здравствениот систем во Белорусија е во согласност со препораките на Светската здравствена организација во овој поглед?
2. Во многу земји, властите започнаа големи информативни кампањи за борба против вирусот КОВИД-19. Во медиумите, на јавни места, во транспортот, во објектите на кои им е дозволено да работат во текот на карантинот, дадени се совети како да се ограничи ширењето на вирусот.
Зошто белоруските ТВ и официјалните публикации сè уште не започнуваат таква кампања? Зошто нема јавни информации за КОВИД-19?
3. Постарите луѓе се едни од најризичните групи за време на пандемијтаа. Во некои земји, со цел да се ограничи нивното движење и да се спречи преносот на коронавирусот, властите организираа волонтерска помош и воведоа посебни временски часови, во кои постарите граѓани можат да одат во продавници.
Што е направено во Белорусија за да се заштитат старите лица од КОВИД-19?
4. Статистиката на случаите со КОВИД-19 се чини дека е многу невообичаена во контекст на другите европски земји со густо население. Лекарите на социјалните мрежи објавија дека им е забрането во дијагнозите да го евидентираат, не само бројот на инфекциите со коронавирус, туку и заболените со пневмонија.
Зошто белоруското Министерство за здравство престана да објавува дневни статистички податоци за откриени случаи и престана да ги пријавува вкупните и бројот на новооткриените случаи на КОВИД-19 до крајот на март, наместо да им обезбеди на населението најопширни информации за ситуацијата?
5. Мерките за физичко растојание можат да го забават вирусот, така што здравствениот систем може да управува со голем број на пациенти.
Кои ограничувања се воведени во овој поглед во Белорусија?
6. СЗО смета дека воведувањето на карантин на почетокот на епидемијата го забавува ширењето на КОВИД-19. Сите земји се придржуваат до советите на СЗО, а Белорусија не.
Зошто Белорусија сè уште одбива да воведе карантин во овој контекст?
7. Белорускиот лидер јавно изјави дека коронавирусот може да се лекува со трактори, водка, капење и играње хокеј (затоа што мразот го убива вирусот).
Дали Министерството за здравство на Белорусија ќе направи кампања да ги побие анти-научните изјави на Александар Лукашенко?
Радио Слободна Европа