Пјонгјанг тестираше ново офанзивно подводно беспилотно летало со нуклеарно оружје, објавија државните медиуми, а севернокорејскиот лидер Ким Јонг-ун предупреди дека заедничките воени вежби меѓу Јужна Кореја и САД треба да завршат, пренесува „Ројтерс“.
За време на тестирањето, новото севернокорејско беспилотно летало се движеше под вода на длабочина од 80 до 150 метри повеќе од 59 часа и детонираше ненуклеарен товар во близина на источниот брег на земјата во четвртокот, јави севернокорејската државна новинска агенција KCNA, пренесе „Танјуг“.
„Овој нуклеарен подводен дрон за напад може да се распореди на кој било брег и пристаниште или да се одвлече од површински брод за операција“, се вели во извештајот на KCNA, истакнувајќи дека Ким лично го надгледувал тестот.
North Korean state media notes that Kim Jong Un oversaw recent weapons test, including of a “a new underwater offensive weapon system.” KCNA describes it as “unmanned underwater nuclear attacking vessel ‘Haeil’”. (No previous indication that such a program existed in DPRK.) pic.twitter.com/LHHp4V8B3D
— Ankit Panda (@nktpnd) March 23, 2023
На фотографијата објавена од државните медиуми се гледа како Ким се насмевнува покрај голем објект во облик на торпедо, но тоа не е идентификувано како новиот дрон.
Севернокорејскиот лидер ја изрази „својата одлучност да ги доведе американските империјалисти и јужнокорејскиот марионетски режим во очај поради нивниот избор“, соопшти KCNA, додавајќи дека Ким ги предупредил непријателите веднаш да престанат со „непромислените воени вежби против Северна Кореја“.