Шест лица загинаа во силен земјотрес на Филипините

Бројот на жртвите во земјотресот со јачина од 6,7 степени според Рихтеровата скала што во петокот го погоди јужниот дел на Филипините се зголеми на шест, а властите трагаат по уште две лица кои се водат како исчезнати.

Епицентарот на земјотресот бил во близина на брегот на островот Минданао, на длабочина од 60 километри, соопшти германскиот центар за геолошки истражувања, пренесува Ројтерс.

Маж и жена загинаа кога врз нив се урна бетонски ѕид, додека една жена загина во трговски центар.