Швајцарија ќе овозможи собири на повеќе од 1.000 луѓе

Швајцарската влада соопшти денеска дека има намера да дозволи повеќе од 1.000 луѓе да се соберат на спортски натпревари и концерти од 1 октомври.

Организаторите ќе треба да побараат дозвола за вакви настани, притоа почитувајќи ги правилата за физичката оддалеченост на посетителите, пренесува АП.

Швајцарија е една од првите европски земји што забрани масовни собири заради коронавирусот, одлука за која е донесена на 28 февруари.

Одлуката за внимателно отворање ги зема предвид потребите на општеството и економските интереси на спортските клубови и културните институции, соопшти швајцарската влада.

Во исто време, беше решено дека е задолжително да се носат заштитни маски во авиони што полетуваат од Швајцарија или слетуваат во таа земја.