Синот на Песков не сака да биде мобилизиран: „Мора да знаете кој сум јас, ќе го решам на друг начин“ (ВИДЕО)

од Nikola Popovski

Се појави видео на кое се слуша како синот на портпаролот на Кремљ Дмитриј Песков одбива да биде мобилизиран.

Откако рускиот претседател Владимир Путин во средата најави делумна мобилизација поради војната во Украина, Дмитриј Низовцев, кој води канал на Јутјуб основан од поддржувачите на противникот на Путин, Алексеј Навални, му се јавил на Николај Песков (32), син на портпаролот на Путин и се преправал дека е воен функционер кој сакал да го мобилизира.

Низовцев му рекол на Николај Песков дека е повикан да се јави во канцеларијата за мобилизација утре изутрина.

„Морате да разберете, ако знаете дека јас сум г-дин Песков, колку е погрешно да отидам таму. Накратко, ќе го решам тоа на друг начин“, му рекол Николај Песков на Низовцев, кој се претставил како воен комесар.

Во разговор со водителот, Николај Песков рекол дека нема да дојде во канцеларијата за мобилизација и одбил да даде согласност да биде регистриран како доброволец.

„Морам да сфатам за што се работи и кои се моите права. Немам проблем да ја бранам татковината, но морам да сфатам зошто имам толку брзо да се појавам таму. Зборувам за одредени политички нијанси“, изјавил Николај Песков.

Синот на портпаролот на Путин потенцирал дека не сака да биде наведен како доброволец во официјалните документи.

„Ќе направам што ќе ми кажат. Ако Владимир Владимирович рече дека морам да одам таму, ќе одам. Јас не сум обичен војник“, додал Николај.

Да потсетиме, Владимир Путин претходно во средата најави делумна мобилизација на руските резервисти. После тоа, тој одржа говор во средата по повод 1160-годишнината од руската државност, каде рече дека би било опасно Русија да го ослаби нејзиниот суверенитет.

Фото: PROFIMEDIA

Слични содржини