Кандидатот на МОСТ на хрватските избори, Јакослав Ројница стана сензација со спотот каков што во таа земја се уште не е виден.
Снимката од 42 секунди започнува со кадар во кој Ројница во црно одело и бели чевли стои на карпа која е малку испакната во морето. Додека драматична музика свири во позадина, камерата истовремено кружи и се приближува до господинот на карпата.
Напнатоста расте, а во еден момент тој одеднаш скокнува од карпа висока неколку метри во морето и по неколку секунди тој испливува на површината.
Во следниот кадар, сè е многу помирно: Ројница седи на карпа, па се свртува кон камерата и накратко ја кажува својата порака: „Со нас ќе испливате од сите проблеми“.
Во преостанатите секунди од видеото, гласачите се повикани да „испливаат на 5.7“ и да го заокружат името на Јакослав Ројница на изборите.