Турција денеска ја обвини Грција дека „истуркала“ чамец со бегалци од грчки во турските територијални води.
Турското Министерство за одбрана соопшти дека инцидентот се случил во неделата во близина на Родос и на социјалните мрежи објави снимка од дрон на која се гледа како грчката крајбрежна стража влече чамец со бегалци во турските територијални води во близина на одморалиштето Мармарис во југозападна Турција.
1️⃣ Yunanistan Sahil Güvenlik Botu tarafından içerisinde düzensiz göçmenlerin bulunduğu lastik botun, 24 Temmuz 2022 tarihinde Rodos Adası yönünden getirilerek Bozburun/Marmaris güneyinde Türk kara sularına itildiği Deniz Kuvvetlerimize ait İHA ile tespit edilmiştir.#MSB pic.twitter.com/rOOoZMO9Il
— T.C. Millî Savunma Bakanlığı (@tcsavunma) July 25, 2022
„Ројтерс“ не можеше веднаш да ја потврди автентичноста на видеото, на кое се гледа како екипажот на чамецот врзува јаже од крмата за гумен чамец, но не беше јасно колку луѓе имало во гумениот чамец.
Грчката крајбрежна стража сè уште не ги коментираше обвинувањата на Анкара, но Атина постојано ги негираше обвинувањата на организациите за човекови права и Агенцијата за бегалци на Обединетите нации (УНХЦР) дека ги потиснува бегалците од грчките територијални води, велејќи дека пресретнува (неидентификувани) чамци за да ги заштити своите граници.