Едвард Сноуден, американски свиркач и поранешен разузнавач, кој избега во Русија поради откривање тајни шпионски програми, зборуваше за падот на Фејсбук, Инстаграм и Ватсап, оценувајќи дека барем на еден ден, светот стана поздраво место.
„Фактот дека Фејсбук, Инстаграм и Ватсап паднаа во исто време, секако изгледа како лесно разбирлив и популарен пример зошто разбивањето на одреден монопол на најмалку три дела можеби не е лоша идеја“, објави Сноуден на Твитер.
Во една од серијата пораки што ги објави на оваа социјална мрежа, Сноуден напиша дека падот на Ватсап е потсетник „дека луѓето треба да користат непрофитна, поприватна алтернатива, како што е Сигнал“.
Сноуден дури напиша дека „Интернет-гигантите се офлајн денес и не се враќаат“.
„Што ќе се случи утре?“, прашал, а под одговорите ставил: „Ќе осамне златната доба“ и „Колапс: Вечераме со стаорците“.