Актуелно
Почетна / Македонија / Политика / Спасовски: Истрагите да не се водат преку медиумите

Спасовски: Истрагите да не се водат преку медиумите

Воопшто не е важно во кое време и колку време се водела каква било истрага, важен е кредибилитетот со кој се прави тоа и крајните резултати, а сензационализмот не е основа за водење истраги, порача денеска премиерот Оливер Спасовски, одговарајќи на новинарско прашање за тоа дали во акцијата во Крушопек бил вклучен и негов тим додека тој беше министер за внатрешни работи.

-Воопшто не е важно колку време, кога, во кое време се водела каква било истрага. Важно е со каков кредибилитет тоа ќе се прави и да знаете дека сензационализмот не е основа за водење на истраги и спроведување на акции. Во секоја истрага мора да има сериозна кредибилност и кредибилитет и лична одговорност на оној кој раководи со органот во делот на истрагите. Врвен приоритет е да се заврши и тоа што сте го завршиле да го кажете пред јавноста. Не е важно веднаш во ист момент да излезете во јавноста и да кажете имам сензација, а со тоа да се загрози истрагата, рече денеска Спасовски, на заедничката прес-конференција со претседателот на парламентарната група „Renew Europe“, Дациан Циолос.

Нагласи дека не смее и не треба во ниту еден момент истрагите да се водат во јавност и преку медиумите и додаде дека е потребно да завршат, да се обезбедат докази, а оние кои направиле кривично дело да завршат таму каде што им е местото.

loading...