Носителот на листа во ИЕ 2, Оливер Спасовски, вечерва се обрати на граѓанската трибина во скопската општина Ѓорче Петров и изјави дека поминавме три години од хибридниот режим. 
„Создадовме држава во која сите сме слободни, владее демократија, никој повеќе не нè дели, сите сме едно, затоа што секој е важен. Создадовме држава ценет меѓународен партнер, држава која знае да решава прашања. Денеска заедно со Грција и Бугарија одиме напред, кои се наши лобисти, заедно станавме дел од НАТО, заедно ќе станеме и дел од ЕУ. Ја гарантираме стабилноста и безбедноста на земјата. Ако немате безбедност нема развој. За три години ги отворивме преговорите за членство во ЕУ. Ветуваме дека за 4 години во новиот мандат ќе затвориме 80 проценти од од поглавјата. Ќе бидеме на прагот од членството“, изјави Спасовски.
Тој посочи дека ние сме првата земја која не е членка на ЕУ, а ја спроведува младинската гаранција.
„Околу 40 илјади се вклучија во проектот за младинската гаранција. Повеќе од 11 илјади млади луѓе најдоа вработување во изминатите 3 години, благодарение на користењето на проектот за младите.