„Гледам јас, ама гледа и целокупната македонска јавност дека во Србија денеска покрај до сега пристигнатите, Бионтек-Фајзер вакцината, руската Спутник вакцина, од Пекинг пристигна и Синофарм вакцината во сериозни количини, па наместо да чекате и да барате таму каде нема ми се чини дека е природно да побарате таму каде што има“,пишува на својот фејсбук профил Иван Стоиљковиќ.
„Нешто ми се чини дека не треба овој пат како со набавката на однапред договорената помош од Србија, со српскиот претседател, за што имам и соодветна преписка, за време на првиот бран на пандемија кога не собравте сили да напишете само едно писмо, иако само тоа се бараше, званичен допис, а на кумановскиот градоначелник најверојатно некои му забранија тој да се обрати, ги паметиме пресметките на таа тема, па затоа и помошта не стигна.
Сега барем поучени од грешките од минатото ви препорачувам да престанете да глумите лудило и да се обратите јавно до српскиот претседател, да не посредувам и да не си играме глув телефон, и да побарате дел од вакцините кои Србија веќе ги поседува да ни ги отстапи за потребите на нашето население. Ќе ви биде одобрена помош во вакцините, знам што зборувам.
Не калкулирајте, постои население, загрижени граѓани, медицински персонал и уште некои категории граѓани, поточно на државата во целина и е потребно да се почне со процесот на вакцинација, бидејки претпоставувам сте свесни што значи историското доцнење на вакцините во однос на непречено одвивање на елементарните функции на државата, општеството и здравјето на граѓаните“, додава тој.
ЈАВЕН АПЕЛ! Гледам јас, ама гледа и целокупната…
Posted by Иван Стоилковић on Saturday, January 16, 2021