На самитот во Вилнус во јули оваа година, членките на НАТО ќе разговараат за активностите на Русија и Кина во Африка, изјави генералниот секретар на НАТО, Јенс Столтенберг.
„Ние, исто така, треба да се бориме против постојаната закана од тероризам и нестабилност на југот. Гледаме дестабилизирачки акции на Русија во Африка и Русија и Кина како се инфилтрираат во регионот. Самитот ќе им даде можност на членките на Алијансата да разговараат за овие прашања“, изјави вчера Столтенберг на заедничката прес-конференција со португалскиот премиер Антонио Коста, беше објавено на веб-страницата на НАТО.
Тој нагласи дека „мора да направиме повеќе за да изградиме одбранбени капацитети со клучните партнери на југот, како што се Тунис, Мавританија и Јордан“.