Страшно торнадо го погоди Милано, Италија, а снимката која кружи на социјалните мрежи е застрашувачка. „Јутањи лист“ пишува дека невремето се движи кон Хрватска.
На видеото се гледа како небото поцрнува додека торнадото косеше сè што ќе му се најде на патот.
Невремето предизвика големи штети на патиштата. Неколку паднати дрвја уништија автомобили, а оштетени се и куќи.
I can tell you the sky this morning turned night when at 11am this tornado stormed over Milan pic.twitter.com/aco9xO47xz
— Tancredi Palmeri (@tancredipalmeri) July 21, 2023
Според порталот „Милано“, пожарникарите извршиле околу 110 интервенции.
Зафатен е северниот дел на Ломбардија, како и Венето.
Хрватските медиуми јавуваат дека во Хрватска кон крајот на денот е можно невреме со привремено засилен и бурен ветер и грмежи.