Израснал како сирак, сакал да биде монах, па потоа се посветил на децата. Господ го испратил со децата во пештерата.
Главниот тренер на тајландскиот фудбалски тим, утрото на 23 јуни го поминал подготвувајќи го својот помлад асистент да се грижи за децата.
Нопарат Кантавонг, 37-годишниот тренер на фудбалскиот тим „Му Па“ -диви свињи, утрото имал состанок. Екапол Чантавог, неговиот асистент, имал задача да ги однесе децата до фудбалското игралиште што се наоѓа на планината.
„Труди се да возиш со велосипедот позади нив, додека тие се движат, за имаш увид врз целата група“, му напишал во пораката на Фејсбук.
„Чувај се“, додал.
Неколку часа подоцна, се случи серија со драматични настани. Групата беше заглавена во пештера во Тајланд. После 9 дена, тие беа пронајдени живи во неа, но таа е преполна со вода и сеуште се вложуваат напори за спасување на децата.
Во напорите за да се извлечат децата, вклучена е екипа од 1.000 нуркачи, инженери, воен персонал и волонтери од целиот свет, вклучувајќи го и Илон Маск, милионерот кој ја изгради подморницата за да ги спаси децата.
Многумина го обвинуваат тренерот, велејќи дека треба да знае колкав е ризикот да се влезе во пештерата пред да почне сезоната на монсуните, и велат, требало да знае повеќе.
Но, за многумина на Тајланд, Екапол, кој пред три години го напуштил монашкиот живот и им се придружил на „дивите свињи“ како тренер-асистент е сила испратена од Бог за да ги заштити момчињата додека минуваат низ оваа тешкотија.
Според официјалните информации, тој е еден од најслабите во групата, бидејќи на момчињата им ја давал и својата храна. Исто така ги учел децата како да медитираат и како да ја чуваат својата сила додека не ги пронајдат.
„Ако не тргнал со нив, што ли ќе се случело со моето дете?“, рекла мајката на едно од децата во пештерата.
„Кога ќе излезе, мора да му го излечиме срцето. Драг Ек, никогаш не би те обвинила“. Екапол е сирак кој ги изгубил своите родители на 10 години, велат пријателите. Потоа сакал да биде монах, но го оставил манастирот за да се грижи за својата болна баба.
Децата го потсетувале на тоа каков бил тој, бидејќи многумина од нив растат во сиромаштија или се припадници на етничкото малцинство, без државјанство, што е речиси секојдневие во граничната област меѓу Мјенмар и Тајланд.
„Децата ги сака повеќе од себе“, рекол Џој Кампаи, негов долгогодишен пријател.
„Тој не пие, не пуши. Се грижеше за себе и ги учеше децата на истото“.
For many in Thailand, Ekapol Chanthawong is an almost divine force, sent to protect the boys as they go through this ordeal #ThamLuang #ThaiCaveRescue https://t.co/fT6do3n63o
— The Age (@theage) July 9, 2018
Му помагал на Нопарат, главниот тренер, да смисли систем за децата, во кој страста кон фудбалот би ја искористиле за да ги мотивираат да се истакнат во академска смисла. Ако добијат добри оцени во училиште, да бидат наградени со фудбалска опрема. Тие двајца сакале да им докажат на децата дека можат да станат нешто многу поголемо – дури и професионални спортисти.
Ги носел децата на тренинг, и кога родителите не можеле да ги преземат, ги враќал до дома. Преземал одговорности над нив како да се негово семејство.