Трагедија на македонските патишта: Загина млад мотоциклист

МВР информира дека вчера дошло до тешка сообраќајка, во која животот го загубил мотоциклист од Македонска Каменица.

На 18.06.2023 околу 15:20 часот во Полициската станица Делчево било пријавено дека на локалниот пат Македонска Каменица – с.Цера, кај место викано „Ајдарска маала“, А.С.(28) од Македонска Каменица, управувајќи мотоцикл со регистарски ознаки од Македонска Каменица, изгубил контрола и со мотоциклот излетал надвор од патот.

-Во несреќата А.С. загинал на местото, а смрт констатирал лекар од Итна медицинска помош. Увид на местото на настанот извршиле Јавен обвинител и увидна екипа од Полициска станица Делчево. По наредба на Јавен обвинител, телото на починатиот било дадено на обдукција, стои во полициското соопштение.