ТРЕТА БОМБА ВО ШПАНИЈА во два дена: Била испратена во базата на шпанската авијација

од Stefanija Kuzmanovska

Трета експлозивна направа во два дена скриена во пакет била испратена во базата на шпанската авијација во Торехон Де Ардоз во близина на Мадрид, главниот град на Шпанија.

Вчера, да потсетиме, во таа земја беа откриени две писма-бомби.

Едната беше испратена во украинската амбасада во Мадрид, а другата во компанија која произведува оружје на северот на земјата, соопшти шпанската полиција.

Првата бомба експлодирала и нанела полесни повреди на вработен во амбасадата.

Доцна синоќа полицијата потврди дека истражува можна поврзаност помеѓу две писма-бомби испратени до амбасадорот на Украина во Мадрид и шпанска компанија за оружје која произведува ракетни фрлачи и ги донира на Киев.

По инцидентот во амбасадата, Киев нареди зголемени безбедносни мерки во сите свои претставништва во странство.

Слични содржини